Главниот преговарач на Европската Унија, Мишел Барние, им рече на своите колеги од Брисел дека по Брегзит не е постигнат трговски договор со Велика Британија.
Барние изјави дека трите најчувствителни прашања не се решени, но дека тој ќе продолжи со разговорите со Дејвид Фрост, претставникот на Велика Британија, објави Ројтерс.
Барние не е оптимист во врска со конечните резултати од преговорите со Велика Британија и тоа им го соопшти на националните амбасадори на ЕУ за време на денешниот брифинг, откри неименуван висок дипломат на Унијата.
Дипломатот, кој беше на брифингот, рече дека Барние им рекол на своите колеги од ЕУ дека постојат очигледни разлики меѓу двете страни и дека топката сега е во полето на Борис Џонсон, премиерот на Велика Британија.
