Кинеското Министерство за надворешни работи им ја честиташе победата на претседателските избори во Америка на избраниот претседател на САД, Џозеф Бајден и на потпретседателката Камала Харис, која кандидатот на Републиканската партија, Доналд Трамп, одби да ја признае.
Портпаролот на Министерството за надворешни работи Ванг Венбин изјави дека Кина го почитува изборот на Американците.
„Честитки за господинот Бајден и г-ѓа Харис“, рече Ванг.
Според Ванг, Кина знае дека резултатите од претседателските избори во САД ќе бидат утврдени во согласност со американските закони и процедури.
