Велес, 18 јуни 2020 (МИА) – Општина Велес со средства на ЈКП „Дервен” врши замена на старата азбестноцементна цевка на водоводната линија на улица „Крсте Мисирков”, во должина од 150 метри, со нова полиетиленска цевка (со пресек од 160 мм), со што ќе се спречи честото прскање на дотраените цевки и ќе се подобри квалитетот на водата.
Како што информираат од Општина Велес, со ова ќе се обезбеди безбедна и квалитетна вода за пиење.
– По завршување на реконструкцијата на водоводната линија, Општина Велес ќе издаде налог за реконструкција на дел од улицата на завршниот слој асфалт, најавуваат од Општина Велес.
Заради непречено одвивање на градежните работи, Општина Велес упатува апел до жителите кои гравитираат кон овој дел на градот за разбирање, внимателно движење и управување на моторните возила, како и за почитување на поставената сообраќајна сигнализација и дадените знaци од страна на службените лица. ад/мс/
