Полицијата изрече 22 санкции за неисправни возила за јавен превоз на територија на СВР Тетово.
Според информациите на МВР, вчера на тетовско-гостиварското подрачје спроведена е акциска контрола за техничка исправност на возилата кои вршат јавен превоз на патници.
При контролата, откриени и санционирани се вкупно 22 неисправни возила.
Најголемиот број од нив (12) имале неисправни сопирачки, кај две возила била констатирана неисправност на уредите за управување, а кај три возила неисправност на други уреди.
Сите неисправни возила веднаш се исклучени од сообраќај, а санкционирани се и 13 други видови сообраќајни прекршоци.
