Британските пратеници кои потпаднаа под руски санкции треба да ги сметаат овие ограничувања како белег на честа, изјави денеска премиерот Борис Џонсон.
Тој рече дека сите членови на британскиот парламент кои се санкционирани, а ги има 287, треба на тоа да гледаат како„почесна значка”, пренесе агенцијата „Ројтерс“.
Британскиот пратеник Марк Харпер денеска изјави дека го поздравува потегот на Русија да воведе лични ограничувања за членовите на Долниот дом на британскиот парламент, велејќи дека е горд што се наоѓа на таа листа.
„Горд сум што сум на оваа листа со многу мои колеги од Долниот дом“, напиша Харпер на „Твитер“, додавајќи: „Русија навистина мрази да биде етикетирана поради нејзината нелегална инвазија на Украина и срамни воени злосторства што се таму извршени“.
Претходно денеска руското Министерство за надворешни работи соопшти дека воведува санкции за 287 членови од Долниот дом на британскиот парламент и им забрани влез во земјата.