Претседателот на Европскиот совет, Шарл Мишел, го осуди нападот на железничката станица во украинскиот град Краматорск.
„Застрашувачки е да се види како Русија напаѓа една од главните станици што ја користат цивилите кои се евакуираат од регионот каде Русија го засилува својот напад. Потребна е акција: повеќе санкции за Русија и повеќе оружје за Украина доаѓаат од ЕУ. Само што беше одобрен петтиот пакет санкции“, напиша тој.
Horrifying to see Russia strike one of the main stations used by civilians evacuating the region where Russia is stepping up its attack.
Action is needed: more sanctions on Russia and more weapons to #Ukraine are under way from the EU. 5th package of EU sanctions just approved.
— Charles Michel (@eucopresident) April 8, 2022
Со реакција се јави и високиот претставник на ЕУ за надворешна политика и безбедност, Жозеп Борел.
„Силно го осудувам неселективниот напад на Русија на железничката станица Краматорск, во кој загинаа десетици луѓе, а многу други беа ранети“, напиша Борел на „Твитер“.
„Ова е уште еден обид да се затворат патиштата за бегство за оние кои бегаат од оваа неоправдана војна и да се причини човечко страдање“.
I strongly condemn this morning’s indiscriminate attack against a train station in #Kramatorsk by Russia, which killed dozens of people and left many more wounded. This is yet another attempt to close escape routes for those fleeing this unjustified war and cause human suffering
— Josep Borrell Fontelles (@JosepBorrellF) April 8, 2022
Борел и претседателката на Европската комисија, Урсула фон дер Лаен, денеска во Киев ќе се сретнат со украинскиот претседател Володимир Зеленски.
