Хрватска им препорача на своите граѓани во источна Украина да ја напуштат областа, изјави денеска министерот за надворешни работи и европски прашања Гордан Грлиќ Радман.
Тој изјави дека одлуката е донесена во интензивна комуникација со амбасадорот во Украина и следејќи ги искуствата на другите земји, пренесува агенцијата Хина.
„Ситуацијата е загрижувачка, но тоа не значи дека ќе ескалира. Се уште се прават дипломатски напори тоа да не се случи“, изјави Грлиќ Радман во Минхен, каде што учествува на безбедносна конференција.
