Финскиот парламент најверојатно денеска ќе гласа за барањето за влез во НАТО, што ќе биде историска промена во финската одбранбена политика предизвикана од руската инвазија на Украина.
Финската извршна власт, претседателот Саули Ниинисто и владата одлучија Финска да испрати барање за влез во Северноатлантската алијанса, под услов тоа да биде прифатено од законодавниот дом и парламентот.
Собраниската расправа се одржа во понеделникот и траеше 14 часа. Зборуваа 212 пратеници и огромното мнозинство од нив гласаа позитивно. Десет парламентарни работни тела, вклучително и комисии за надворешна политика и одбрана, веќе ја прифатија идејата.
Се очекува попладне Собранието да го прифати барањето за влез во НАТО.