Утре со почеток во 20 часот, членовите на Друштвото на ликовни уметници на Прилеп (ДЛУП) на прилепската јавност ќе и ги презентираат делата од годинешната заедничка поставка, кои ќе бидат изложени во ликовната галерија на Центарот за култура „Марко Цепенков“.
„Во најтешките ситуации како што е оваа, каде што за да се одржува духот на човекот неопходно е да се присетиме на убавите работи и моменти, со кој ќе го потхраниме духовниот порив и полесно ќе го надминеме овој период. Еден од тие начини е уметноста која ја создаваат Друштвото на Ликовни уметници на Прилеп. Во „тишина“ ќе чуете и погледнете илјада зборови, кои ќе ви раскажат преубави приказни за делата и за уметниците“ вели Методи Исков, претседател на ДЛУП.
Делата кои се изработени во повеќе техники ќе ги изразат емоциите на уметниците кои продолжуваат да создаваат и во време на пандемија.
