Украинските сили ја вратија контролата врз Припјат, град на духови во близина на нуклеарната централа Чернобил, објави во неделата Генералштабот на вооружените сили на Украина.
– Денеска, 3 април, единиците на падобранците на вооружените сили на Украина ја презедоа контролата врз областа на градот Припјат и областа долж државната граница на Украина со Република Белорусија – се наведува на Фејсбук.
Да потсетиме, руските сили ја презедоа контролата врз електраната во Чернобил на почетокот на инвазијата, но оваа недела се повлекоа и официјално ја вратија контролата на локацијата на украинскиот персонал.
Украинската државна енергетска компанија „Енергоатом“ соопшти дека руските војници брзо се повлекле бидејќи страдале од радијациона болест поради копање ровови во контаминирана почва.
