Руските сили продолжуваат со ракетните напади врз воени цели и цивили низ цела Украина, тврди украинската армија.
Според Генералштабот на вооружените сили на Украина, руски војници блокираат единици во фабриката за челик Азовстал во Мариупол, пренесува Би-би-си.
Генералштабот додава дека руските сили го напаѓаат и Доњецк и ги гранатираат пограничните региони Чернихив и Суми.
Граничниот премин Теткино на руско-украинската граница вечерва е погоден од минофрлачки гранати, изјави гувернерот на областа Курск, Роман Старојт, наведувајќи дека нема жртви.
„Денеска околу 20.30 часот е гранатиран преминот Теткино во областа Глушков во областа Курск. Проектилите биле истрелани од украинска територија“, напиша на „Телеграм“ гувернерот на областа Курск.
Руската агенција наведува дека Украина и претходно, на 24 февруари, 29 март и 23 април го гранатирала граничниот пункт во населбата Теткино, но и тогаш немало човечки жртви. Меѓутоа, гранатирањето извршено на 23 април доведе до пожар во локалната канцеларија на руското надзорно тело за земјоделство, јави ТАС С.
