Битола, 13 март 2020 (МИА) – Турскиот амбасадор Хасан Мехмет Секизќок оствари прва работна средба со градоначалничката на Општина Битола, Наташа Петровска.
За време на престојот во Битола, амбасадорот Секизќок потсети на блискоста на двете држави и континуираната поддршката на Турција во различни сфери.
-Посакувам уште поголема соработка со локалните субјекти, со Универзитетот, училиштата и поголема поддршка за развој на туризмот бидејќи Битола е град во кој често престојуваат турски гости, истакна амбасадорот Мехмет Секизќок.
Градоначалничката Петровска го информираше својот гостин за тековните проекти на локалната самоуправа и проектот за гасификација на Битола и најави можности за економска соработка.
Амбасадорот Секизќок во Битола ја посети Спомен собата на Кемал Ататурк. мт/дма/
