Тејлор Свифт во четвртокот го обелодени доаѓањето на вториот комплетен албум, втор во период од пет месеци. „Eдноставно не можевме да престанеме да пишуваме песни,“ напиша таа.
Свифт на своите 141 милиони следачи на Инстаграм им откри дека албумот насловен Evermore ќе биде објавен во четврток на полноќ, заедно со музичко видео за првиот сингл Willow.
Свифт го опиша албумот со 15 нумери како „сестрински запис“ на претходниот, „Фолклор“, кој го создаде за време на самоизолација и неочекувано го објави во јули.
Осмиот албум на Свифт, „Фолклор“ кој го објави на 24 јули, сруши неколку рекорди на топ листите во првата недела од продажбата. Овој албум – промена на стилот што покажа инди-фолк сензибилитет – ѝ донесе најдобри критики во нејзината кариера, како и шест номинации за „Греми“.
