Скопје, 12 мај 2020 (МИА) – Премиерот Оливер Спасовски на Фејсбук им го честиташе 12 мај – Меѓународниот ден на медицинските сестри, изразувајќи благодарност на медицинските сестри во нашата земја и низ целиот свет за нивната храброст и посветеност, заради кои, како што посочува, надежта и оптимизмот во битката со КОВИД-19, стануваат пореални и остварливи.
-Секогаш први во грижата, медицинските сестри се присутни на некои од најскапоцените во животот моменти, како и во моментите на тага. Ви благодариме и ви го честитаме Меѓународниот ден на медицинските сестри, ден кога целиот свет им оддава признание за големата стручна и хумана помош што секојдневно ја добиваат пациентите во болниците, напиша на фејсбук Спасовски. дма/лв/
