Група од 60 планинари е спасена во неделата попладне од планината Сотира, на југот на Албанија, во близина на границата со Грција, а едно лице е тешко повредено, објави полицијата на албанскиот град Ѓирокастра.
Повредено е 17-годишно момче кое се лизнало од карпа покриена со снег и е пренесено во болница.
Порталот ABC Albania објави дека младиот човек ја скршил ногата, но дека е надвор од животна опасност.
Полицијата го примила повикот за спасување во неделата околу 15:30 часот, а 60. спасени лица биле од различни градови во Албанија.
