Скопје, 11 април 2020 (МИА) – Времето денеска ќе биде сончево и топло со мала до умерена облачност, која ќе се зголемува попладне. Ќе дува слаб до умерен северен ветер.
Утринската температура ќе се движи од нула до шест степени, а дневната температура од 14 до 25 степени.
Времето утре ќе биде променливо облачно со умерен до засилен југоисточен ветер. Попладне претежно во јужните делови ќе има услови за локален дожд.
Минималната температура ќе биде од нула до шест степени, а максималната температура од 15 до 22 степени.
Ќе следи променливо облачно време со сончеви периоди. Ќе дува слаб до умерен југозападен ветер. Во вторник ќе биде променливо облачно, попладне и во текот на ноќта со врнежи од дожд. Ќе дува умерен до засилен ветер претежно од западен правец, кој кон крајот на денот ќе се промени во северен.
Минималната температура ќе биде од два до осум степени, а максималната температура од 15 до 22 степени.мд/лв/
