Со 62 гласаа „за“, 46 „против“ и без возджани Собранието вечерва го избра новиот состав на Владата.
Нов премиер ќе биде, претседателот на СДСМ, Димитар Ковачевски.
По гласањето, новоизбраниот премиер и министрите дадоа свечена изјава, а претседателот на Собранието, Талат Џафери, ги повика новоизбраните функционери по завршувањето на седницата да се упатат во собранискиот хол за заедничка фотографија.
Претходно попладнево, од владината-прес служба пристигна известување дека в понеделник со почеток во 9 часот во зградата на Владата ќе се случи примопредавање на функцијата и кабинетот помеѓу досегашниот премиер, Зоран Заев и новоизбраниот, Ковачевски.
