Најмалку седум членови на мировната мисија на Обединетите нации загинаа денеска во терористички напад во центарот на Мали, а уште тројца се тешко повредени, соопшти мисијата на ОН на Твитер.
Логистички конвој бил нападнат со импровизирана експлозивна направа на патот меѓу Дуенс и Севара, област каде активните терористички групи се поврзани со Ал Каеда и Исламската држава, објави Ројтерс.
Засега никој не ја презеде одговорноста за терористичкиот напад.
