Руските мировници го придружуваа првиот конвој на армијата на Азербејџан од Шуша до селото Красни Базар во Нагорно-Карабах, пренесува ТАСС.
Конвојот на вооружените сили на Азербејџан се состоел од три камиони „камаз“ со персонал. Според мировниците, возилата не носеле никакво оружје. Две оклопни возила „тигр“ го придружувале конвојот.
На 9 ноември рускиот претседател Владимир Путин, азербејџанскиот претседател Илхам Алиев и ерменскиот премиер Никол Пашинјан потпишаа заедничка изјава за целосен прекин на огнот во Нагорно-Карабах, почнувајќи од 10 ноември.
Рускиот лидер рече дека азербејџанската и ерменската страна ќе ги задржат позициите што ги зазеле и руските мировници ќе бидат распоредени во регионот.
Според руското Министерство за одбрана, столбот на контингентот е 15-та Одделна моторизирана бригада (мировни сили) од Централниот воен округ.
Руски набљудувачки пунктови се поставени долж контактната линија во Нагорно-Карабах и долж коридорот Лачин, што ги поврзува Ерменија и Нагорно-Карабах. Командата на мировната операција се наоѓа во Степанакерт и ситуацијата се следи деноноќно.
