Портпаролот на Кремљ, Димитриј Песков, изјави дека „Инстаграм“ може да биде деблокиран во Русија.
Песков денеска зборуваше на конференција за образование во близина на Москва. Меѓу другото, тој рече дека тој и чеченскиот водач Рамзан Кадиров се критикуваат меѓусебно на пријателски начин. Песков потоа го обвини Западот дека води дипломатска, економска и политичка војна против Русија.
„Тоа се непријателски држави бидејќи тоа што го прават е војна“, рече Песков.
„Секоја војна завршува со мир. А тој мир ќе биде оној во кој ќе се слуша нашиот глас“, нагласи рускиот портпарол.
