Рудари во Ангола ископале редок чист розов дијамант за кој се верува дека е најголемиот пронајден во последните 300 години, објави во средата австралискиот оператор на рудникот.
Дијамантот од 170 карати, наречен The Lulo Rose, бил пронајден во рудникот Луло во североисточниот дел на земјата богат со дијаманти, и е еден од најголемите розови дијаманти некогаш пронајдени, објави компанијата „Лукапа Дајмонд“ во соопштението за инвеститори.
Дијамантот ќе се продава на меѓународен тендер, најверојатно по неверојатна цена.