Украинските сили погодиле стратешки важен мост во окупираниот Херсон и се чини дека ги засилуваат операциите насочени кон изолирање на градот кој е под контрола на Русија.
На објавената снимка се гледаат 18 детонации на мостот Антонивски, кој ја минува реката Днепар. Мостот е еден од главните патишта за снабдување до Херсон, а руската противракетна противвоздушна одбрана не успеала да ги пресретне нападите.
The Antonovsky bridge in #Kherson survived, but the pavement was damaged.
The bridge is now closed to traffic, even propagandists are not allowed on it. A traffic jam of cars was formed near the bridge. pic.twitter.com/7OwETa5vdk
— NEXTA (@nexta_tv) July 27, 2022
„Гардијан“ наведува дека имало и извештаи дека украинските сили исто така нападнале железнички мост.
Самопрогласените власти во окупираната област херсон го затворија мостот за сообраќај, но тврдат дека е структурно здрав и наскоро ќе почнат да ја поправаат штетата.
„Мостот е погоден, мостот не е уништен. Сега има само уште дупки“, изјави Кирил Стремусов, заменик-шефот на управата наметната од Русија. Тој тврди дека нападот ќе им го отежне животот на жителите на Херсон, но „Во никој случај нема да влијае на исходот на непријателствата“.