Бројот на внатрешно раселените лица поради конфликтот ширум светот достигна 48 милиони на крајот на 2020 година, што е највисока бројка откако се води евиденција, изјави специјалната известувачка на ОН за човекови права на внатрешно раселените лица, Сесилија Хименез- Дамари.
На состанокот на Третиот комитет на Генералното собрание на ОН, таа посочи дека пред се поради сè покомплексната природа на вооружените конфликти и општото насилство, сè потешко е да се обезбедат човековите права во согласност со меѓународното хуманитарно право.
Таа оцени дека покрај конфликтите и насилството, како причина за раселување може да бидат и катастрофите а од 2020 година и пандемијата со коронавирусот.
Додава дека зголемениот проток на мигранти ќе биде следната пандемија со која ќе се соочат земјите во светот.
