Рускиот претседател Владимир Путин денеска оцени дека Соединетите Американски Држави одат директно по истиот пат како и Советскиот сојуз, пренесе РИА Новости.
Говорејќи за односите меѓу САД и другите земји, Путин рече дека проблемот на империите е што тие си мислат дека се толку моќни што можат да си дозволат мали грешки.
„Овие ќе ги купиме, овие ќе ги исплашиме, со овие нешто ќе се договориме… Но, бројот на проблеми расте и доаѓа моментот кога тие веќе не можат да се справат со нив“, смета рускиот лидер.
Вчера, на маргините на Меѓународниот економски форум во Санкт Петербург, Путин имаше онлајн средба со главните уредници на меѓународните новински агенции.
Меѓународниот економски форум во Санкт Петербург се одржува од 2 до 5 јуни.
