Рускиот претседател Владимир Путин ги осуди нападите во Виена и истакна дека е подготвен да ја зајакне соработката со Австрија и другите земји во борбата против тероризмот.
Во телеграмата што му ја испрати на австрискиот канцелар Себастијан Курц, Путин го нарече нападот „сурово и цинично злосторство“, пренесува ТАСС.
Четири лица загинаа, а 17 беа повредени синоќа во напад во центарот на Виена.
