Рускиот претседател Владимир Путин изјави дека Москва е подготвена да бара „дипломатски решенија“ за Украина, но нагласи дека за интересите на таа земја не може да се преговара.
Во видео обраќањето во средата наутро по повод Денот на бранителите на татковината, национален празник во Русија, агенцијата Франс прес ја цитираше изјавата на Путин: „Нашата земја е секогаш отворена за директен и искрен дијалог, за барање дипломатски решенија за најсложените проблеми. Не може да се преговара за нас“.
Во своето видео обраќање Путин им честиташе на народот на земјата, ја пофали борбената готовност на руската армија и рече дека е уверен во „професионалноста“ на армијата и дека ќе застане во одбрана на националните интереси на земјата.
Неговиот говор уследи по едногласното одобрување на Русија за распоредување „мировници“ во двете самопрогласени републики Луганск и Доњецк, кои Москва сега ги призна како независни.
Путин рече и дека Русија ќе продолжи да го развива најмодерното оружје.
– Ќе продолжиме да развиваме напредни системи за оружје, вклучително и хиперсонични и оние базирани на нови физички принципи и ќе ја прошириме употребата на напредни дигитални технологии и елементи на вештачка интелигенција – рече рускиот претседател, пренесува „Гардијан“.
