Полицијата пронајде дрога и оружје во куќа во тетовска Брвеница, а приведени се две лица.
Според информациите на МВР, вчера при претрес во дом и помошни простории на Д.Ј.(47) биле пронајдени и одземени неколку кеси со марихуана, ловечка пушка, воздушна пушка и повеќе од 40 куршуми различен калибар. Додека, кај Т.Ј. биле пронајдени и одземени четири куршуми.
Тие биле приведени во полициска станица, а по целосно документирање на случајот против нив ќе бидат поднесени соодветни пријави.
