Американскиот претседател Доналд Трамп го даде своето прво телевизиско интервју по изборите од 3 ноември за „Фокс бизнис њуз“, во кое ги повтори обвинувањата за изборни измами. Во 45-минутното телефонско интервју, тој вината за тоа што не се преземаат мерки за откривање на „изборната измама“ ја префрли на судиите за кои рече дека не сакаат да се мешаат.
Трамп изрази сомнеж дека Врховниот суд ќе ги разгледа жалбите за секој случај поднесен од неговиот тим, додавајќи дека мора да се дејствува многу брзо. Досега речиси сите тужби поднесени од кампањата на Трамп беа одбиени во судовите поради недостаток на докази. Но, тој и овој пат повтори дека ќе продолжи да се бори.
Од минатата недела започна процесот на пренос на власта.
