Белгија и Франција победија како гости, а Португалија ја декласира Хрватска во првото коло во Лигата на нации, во Групите 2 и 3.
Во Групата 3, Португалија и без Кристијано Роналдо лесно се справи со Хрватска во чии редови ги немаше Лука Модриќ и Иван Ракитиќ. Хрватите од целосен дебакл ги спаси одличниот голман Ливаковиќ, кој до првиот гол одбрани неколку тешки удари, а два пати дирекот беше негов сојузник.
Резултатот го отвори Жоао Кансело со прекрасен гол во 41 минута. На 2:0 зголеми Диого Жота во 58, а катастрифата на Хрватска ја најави Жоао Феликс со голот во 70 минута.
Во 91 минта почесниот гол за Хрватска го постигна Петковиќ, а точка на мечот и победата на Португалија 4:1 стави Андре Силва во 95 минута.
Во истата оваа група Франција победи во Шведска со голот на Мбапе во 41 минута. На истекот на натпреварот Франција доби пенал, меѓутоа ударот на Гризман заврши на трибините.
Во Групата 2 Белгија без проблеми го мина гостувањето во Данска. Белгијците без Еден Азар и Тибо Куртоа победија со 2:0 со головите на Денаер и Мертенс.
> Португалија ја прегази Хрватска, Франција победи во Шведска, Белгија рутински со Данска <
