Французинот Алексис Пинтуро го совлада својот норвешки ривал Хенрик Кристоферсен за само 0.11 секунди за да ја оствари својата 30-та победа во кариерата во паралелниот велеслалом во Лех/Цирс во Австрија.
Со оваа победа, Пинтуро го презеде водството во генерален пласман во Светскиот куп, но исто така стана првиот скијач во историјата кој остварил победи во шест различни алпски дисциплини – слалом, велеслалом, супер-џи, алпска комбинација, паралелен слалом и паралелен велеслалом.
„Беше навистина добар ден. Паралелните трки се многу брз и и немаш време многу да размислуваш, туку само се фокусираш да бидеш што е можно побрз“, вели Пинтуро.
Александер Шмид го комплетираше подиумот, откако го победи Адријан Пертл за 0.58 секунди во трката за третото место.
Alexis #Pinturault vince il parallelo di Lech battendo #Kristoffersen e vola in testa alla generale ✈?#EurosportSCI pic.twitter.com/ihy1iVBzLB
— Eurosport IT (@Eurosport_IT) November 27, 2020
> Пинтуро прв скијач со победи во шест различни дисциплини! <
