Премиерот на Бугарија Кирил Петков утре ќе ја посети Битола, каде што ќе присуствува на свеченото отворање на клубот на Центарот за култура „Иван Михајлов“. Посетата на премиерот Петков е прва посета на бугарски премиер на Битола, соопшти прес-службата на бугарската Влада.
Во рамки на посетата, бугарскиот премиер заедно со министерот за надворешни работи Бујар Османи, Министерот за транспорт и врски, Благој Бочварски и Директорот на МЕПСО, Орхан Муртезани ќе го посетат далноводот Битола-Елбасан. Изградбата на далноводот претставува реализација на енергетскиот дел од Коридорот 8.
Во делегацијата предводена од премиерот на Бугарија ќе бидат и министерката за надворешни работи Теодора Генчовска и нејзината заменичка Велислава Петрова.
