Куманово, 20 март 2020 (МИА) – На неколку локации во градот, денеска по втор пат беа поставени средства за дезинфекција на рацете, информираат од Општина Куманово.
Досега извршена е дезинфекција и на двата плоштади, Занаетчискиот дом, на улиците низ градот, во училиштата, урбаната опрема, автобуските постојки, детските катчиња, тениските игралишта, катната гаража и другите јавни површини, како заштитна мерка против состојбата со коронавирусот во Куманово.
– Почитувани сограѓани, да останеме дома, да ги почитуваме препораките на Владата на Република Северна Македонија и на Општина Куманово. Нашата дисциплина и разумност се најбитни во овие моменти. Да останеме дома, бидејќи од тоа зависи нашето здравје и здравјето на заедницата, велат од општината.ам/фф/
