Попладнево нашата земја беше зафатена од нестабилна воздушна маса претежно во западните делови.
Во Преспанскиот регион имаше појава на невреме проследено со пороен дожд, грмежи, силен ветер и појава на град, информира УХМР.
Според последните податоци до 20 часот бил наврнат воден талог од 18 литри на метар квадратен во Тополчани, 15 во Маврово, 7 во Прилеп, по 5 литри на метар квадратен во Тетово, Битола, Попова Шапка, по 3 во Претор и 2 литри на метар квадратен во Берово.
Ветерот во Охрид бил со брзина од 63 километри на час, во Скопје на Зајчев Рид дувал ветер од 58 километри на час исто и во Битола, а во Штип дувал ветер со брзина од 45 километри на час.
