Амбасадорката на САД Кејт Мери Брнз денеска попладне беше во посета на Центарот за управување со кризи.
Целта на средбата како што информираат од таму била претставување на тимот од Шумската служба на САД, којшто како поддршка од УСАИД на националните напори за справување со шумските пожари, во наредните две недели ќе пружи поддршка на субјектите и на ЦУК на стратешко и тактичко ниво, но и ќе се програмираат активности за понатамошна соработка.
Амбасадорката Брнз имала куса средба и со членовите на Главниот штаб за управување со кризи, којшто е во постојано заседавање, при што била информирана за актуелната состојба и справувањето со пожарите.
