Во напад на милитантите на Исламска држава врз село во северен Ирак загинаа најмалку 13 лица, меѓу кои тројца селани и 10 курдски војници, соопштија властите во автономниот регион Курдистан во Ирак.
Нападот се случил во областа Махмур, епицентарот на активностите на Исламската држава, каде што редовно се вршат напади врз курдските сили, ирачките сили и цивилите, пренесува Ројтерс.
Махмур е планинска област на околу 70 километри југоисточно од Мосул и на околу 60 километри југозападно од курдскиот главен град Ербил.
Во соопштението на вооружените сили на регионот се наведува дека милитантите на Исламската држава го нападнале селото, убивајќи тројца жители и интервенирале кај вооружените сили, што резултирало со судири во кои загинале 10 нивни војници.
Исламската држава не презеде веднаш одговорност за нападот.
