Утрински Весник
Спорт

Модест е замената за Себастијан Але

Борусија Дортмунд постигна вербален договор со Келн околу трансферот на 34-годишниот напаѓач Антонио Модест, изјави спортскиот директор на „милионерите“ Себастијан Кел.

dobivaj vesti na viber

„Постигнавме вербален договор, играчот треба да го мине лекарските преглед и да се разјаснат некои детали поврзани со договорот. Затоа не можеме да кажеме дека работата е завршена“, рече Кел.
Искусниот Модест ќе го замени Себастијан Але, на кого неодамна му беше дијагностициран рак на тестисите и ќе мора да оди на хемотерапија и нема да може да игра оваа сезона.

Але летово пристигна во Дортмунд од Ајакс како замена за Ерлинг Халанд кој замина во Манчестер сити.

Модест е долги години во Бундеслигата. Од 2013 до 2015 година беше член на Хофенхајм пред да се пресели во Келн. Минатата сезона тој постигна дури 20 гола во првенството и беше најзаслужен за промоцијата на Келн во Конференциската лига.

Можете да прочитате

Изненадување во Мајами: Алкараз елиминиран од Димитров

Чави и да не се премисли останува во Барселона

Јокиќ со нов рекорд во НБА