На денешната владина седница,а на предлог на Министерството за здравство,пред министрите ќе се најде предлог – програмата за задолжителна имунизација на населението за 2022 година.
„Се работи за програмата за редовна имунизација на населението“, велат од Министерството за здравство.
Во тек е и состанок на Комисијата за заразни болести која, според најавите ќе расправа за намалување на деновите за изолација и евентуални нови мерки поради ширењето на сојот омикрон од коронавирусот.
За новите предлози Владата ќе одлучува на денешната седница.
Освен предлог – програмата на Министерството за здравство, на дневен ред на седницата на Влада ќе се најдат и предлог – програми за изградба и реконструкција на основни и средни училишта за 2022 година, а министрите ќе ја разгледуваат и информацијата за преземени активности во однос на обврските од иницијативата Отворен Балкан.
