Утрински Весник
Македонија

МЕПСО: Испад на далекувод и пожар во близина на трансформатор се причина за прекинот на струја во Скопје

МЕПСО: Испад на далекувод и пожар во близина на трансформатор се причина за прекинот на струја во Скопје

Испадот на далекуводот од ТС Скопје 4 кон ТС Бунарџик и пожарот во близина на трансформаторската станица, беа причина за прекин на снабдувањето со електрична енергија во поголем дел од Скопје, делови од Велес и Овче Поле.

Од МЕПСО наведоа дека овие два фактори го условиле испаѓањето од погон на двата 400/110 кV трансформатори, а со тоа и испадот на целата трафостаница Скопје 4 во населбата Пинтија.

„Диспечерите на АД МЕПСО во најбрз може рок воспоставија напон во најголем дел од населените места и таму е нормализирано снабдувањeто со електрична енергија. Дефектите се изолирани и се работи на нивно отстранување. Во оваа прилика АД МЕПСО ги информира граѓаните дека и во текот на вечерва се можни краткотрајни прекини во снабдувањето со електрична енергија но единствено во насока на сoздавање услови нашите стручни екипи да ги отстранат преостанатите дефекти“, соопштија од МЕПСО.

Можете да прочитате

Уапсен возачот кој управуваше возило во спротивен правец во Скопје

Уапсен прилепчанец за лихварство, позајмил 7.500 а назад барал 12.500 денари

Уапсено едно лице поради незаконит лов, следува пријава