Килијан Мбапе се уште не одлучил каде ќе ја продолжи кариерата – напаѓачот на Пари Сен Жермен се почесто се поврзува со Реал Мадрид. Во неделата, новинарот Фабрицио Романо објави дека 23-годишникот е „многу блиску до конечната одлука каде ќе ја продолжи кариерата“.
„Не можам дефинитивно да зборувам за мојата иднина, ќе дознаете наскоро. Сè е речиси решено“, изјави Килијан Мбапе за француските медиуми и дополни.
„Сега не е вистинското време, но да… Одлуката е практично донесена“.
Романо пренесува и дека голем оптимизам има во Реал Мадрид. На „Сантијаго Бернабеу“ се убедени дека момчето од предградието на Париз кариерата ќе ја продолжи на Реал.
Мбапе постигна 25 гола за „светците“ на 34 натпревари во сите натпреварувања.
> Мбапе за прв пат јавно проговори за својот трансфер: Речиси сѐ е решено <