Германската биотехнолошка компанија „Кjурвак“ ја почна 2b/3 фазата на клиничките испитувања на вакцината против Ковид-19, соопшти компанијата.
Истражувањето, кое е важно за добивање одобрение од регулаторната агенција, служи за проверка на безбедноста и ефективноста на вакцината кај возрасните.
Повеќе од 35.000 луѓе во Европа и Латинска Америка се очекува да учествуваат во истражувањето, се додава во соопштението.
„Кјурвак“ наведува дека целта на студијата е да се покаже ефективноста на кандидатите за вакцина во спречување на потврдени случаи на Ковид-19, како и умерени и тешки форми на оваа болест кај учесници кои никогаш не биле заразени со коронавирус.
Потенцијалната вакцина на оваа компанија е една од неколкуте слични германски проекти што Владата во Берлин ги поддржа со околу 750 милиони евра. Европската комисија веќе обезбеди снабдување до 405 милиони дози од оваа вакцина.
