Италијанките продолжија со победите на „Олимпија дела Тофане“ патеката во Кортина Д’Ампецо, откако по вчерапната победа на Софија Гоџа во спустот, Елена Куртони денеска победи во супер-џи трката, додека Гоџа имаше страшен пад.
Куртони до својата 12. победа во кариерата дојде со време од 1:20.98, за 0.09 секунди пред Австријката Тамара Типлер, додека подиумот го комплетираше Швајцарката Миошел Гисин со 0.24 секунди послабо време. Уште една Италијанка, Федерика Брињоне беше четврта и и избега подиумот за 8 стотинки.
Гоџа, доминантната скијачка во брзинските трки оваа сеозна, имаше опасно паѓање, во кое доби мала повреда на левото колено.
Во генерален пласман во дисциплината има целосна доминација на Италијанките – Брињоне сега е лидер со 377 поени, пред Куртони со 348 и Гоџа со 332. Во генерален пласман во Светскиот куп, Микаела Шифрин со 16. место го зголеми водството во генерален пласман – сега има 981 поен пред Петра Влхова со 929 и Гоџа со 769 поени.
> Куртони со победа во Кортина, страшен пад на Гоџа <
