ОВР Дебар поднесе кривична пријава против М.Б.(59) од Дебар, поради постоење основи на сомнение за сторени кривични дела „узурпација на недвижности“ и „бесправно градење“.
Тој, во текот на јуни оваа година во месноста „Бадеми“, на брегот на Дебарското Езеро, на парцела во државна сопственост, без одобрение од надлежен орган и спротивно на Законот за градење, започнал градба на објект.
Со тоа, велат од полицијата, пријавениот се стекнал со противправна имотна корист во износ од 142.560 денари.
