Пратеникот Мартин Костовски од СДСМ кажа дека ВМРО-ДПМНЕ се виновни за вчерашната тепачка, дека ја испровоцирале и дека штитат криминал. За парламентарното мнозинство, кажа само пофални зборови и додаде: „ Ние нема да дозволиме со Собранието да завладее хаос“.
Костовски упати и порака до опозицијата велејќи: „ Бадијала прават тензии, одговорност за криминалот ќе има“.
За фрлањето на тврди предмети кон пратениците од страна на Арбер Адеми, пратеникот на СДСМ вели: „ Ние сме сведоци на не така славна историја на законодавниот дом. За осуда е, недозовлено е однесувањето на било кој пратеник, дали е пратеник кој учествува во работа на комисијата, дали е претседател на комисијата. Пратениците мора да бидат на висина на задачата која ја спроведуваат. Но пред се, опозицијата мора да сфати дека мора да работи во интерес на граѓаните. Да не опструира и провоцира. Не знам што можат да добијат вака. Ова оди на штета на граѓаните“.
„ Јавноста може да види кој навистина прави тензии и конфликти во Комисијата за европски прашања. Пратениците на ВМРО-ДПМНЕ со навреди, дрско и безобразно однесување не дозволуваат ниту да започне работата на Комисијата. Тоа е доказ дека тие се виновниците кои го предизвикаа и вчерашниот инцидент. Секогаш кога овде во Собранието се расправа за закони од правосудството, пратениците од ВМРО-ДПМНЕ се нервозни, деструктивни, прваат тензии, ги малтретираат собраниските служби и пратениците, а често се обидуваат да испровоцираат и физички пресметки. На јавноста и е јасно дека во Собранието нема жестоки кавги меѓу пратениците на власта и опозицијата, туку обид за тензии со цел пратениците на ВМРО-ДПМНЕ по налог на Мицкоски да го одбранат криминалот“, кажа Мартин Костовски, пратеник на СДСМ.
Прашан зошто не дозволиле да се измени дневниот ред, Костовски рече: „ Ова е обид се со цел, дали на судиите кои треба да им биде продолжен работниот век се вклучени во осуда, во ефективни казни на криминалците од режимот на ВМРО-ДПМНЕ“.
Тој додаде и: „Интенцијата на мнозинството СДСМ-ДУИ е со цел граѓаните да имаат подобра правна заштита“.