Државјанин на Косово вчера бил фатен со лажна патна исправа и лична карта на скопскиот аеродром. Тој приложил словенечки документи, соопшти МВР.
„На 12.12.2020 во 11,45 часот на Граничен премин “Меѓународен аеродром“ Скопје од полициски службеници бил приведен Л.К.(20) од Р.Косово, бидејќи по извршената проверка било констатирано дека, словенечката патна исправа и лична карта кои пријавениот ги приложил се фалсификувани, а при извршениот преглед во неговиот багаж била пронајдена и фалсификувана словенечка возачка дозвола на негово име, за кои пријавениот изјавил дека ги набавил од лице во Косовска Митровица“ соопшти МВР.
Лицето е предадено на полициски службеници од Одделениети за прекуграничен криминал, миграции, странци и реадмисија – Скопје и за настанот бил известен јавен обвинител за понатамошна постапка.
