Вирусологот Масимо Гали, професор на Универзитетот во Милано, за телевизијата Ла 7 изјави дека лекарите и медицинскиот персонал кои одбиваат да бидат вакцинирани треба да ја сменат својата професија.
Многу медицински работници во Италија не се убедени во валидноста на вакцината против Ковид-19 и многумина изјавија дека не сакаат да се вакцинираат. Тоа е нивно право, бидејќи вакцинирањето засега е доброволно.
Во Италија, вакцинацијата со вакцината на „Фајзер“ симболично започнува на 27 декември, што е таканаречен „ден на вакцини“ во целата Европска унија, но вистинската кампања за масовна вакцинација започнува дури во јануари.
