Американскиот претседател денеска ја разреши министерката за правда и главна обвинителка Пем Бонди и на нејзино место го именува досегашниот заменик главен обвинител Тод Бланч.
Бонди беше цврст застапник на политиките на Трамп за време на нејзиниот мандат, кршејќи ја долгогодишната традиција на Министерството за правда да биде независно од Белата куќа во спроведувањето истраги.
Критиките за досиејата на покојниот сексуален предатор Џефри Епстин од страна на сојузниците на Трамп и некои републиканци доминираа во мандатот на Бонди. Таа е обвинета за прикривање или необјавување документи од истрагата на Министерството за правда за аферата Епстин.
Бонди беше критикувана и поради тоа што отпушти десетици искусни обвинители кои работеа на истраги што Трамп не ги одобруваше. Критичарите ја обвинуваат дека го напуштила традиционалниот приоритет на Министерството за спроведување фер правда.
Таа е втор висок владин службеник што е отпуштен од Трамп изминатиот период. Трамп на 5 март ја разреши министерката за внатрешна безбедност Кристи Ноам, по критиките за начинот на кој Трамп се справува со имиграциската политика.
