Делта варијантата на коронавирусот, првично регистрирана во Индија, сега е доминантна во Велика Британија и може да го зголеми ризикот од хоспитализации, во споредба со британската варијанта наречена алфа, соопшти денеска владината Агенција за јавно здравје (Public Health England-PHE).
Според последните неделни податоци, евидентирани се 5.472 нови случаи на варијантата делта, со што бројот на вкупно потврдени случаи од овој вид е зголемен на 12.431, објави Агенцијата, a пренесува Ројтерс.
Здравствените власти посочуваат дека со овој број на потврдени случаи, индискиот сој го надминал алфа, однoсно видот што за прв пат беше идентификуван во Кент, Англија и кој досега беше доминантен во Велика Британија.
