Воените сили на Израел убиле 15-годишно момче во престрелка во градот Ал-Кадер во близина на Витлеем на Западниот Брег, соопшти палестинското Министерство за здравство.
Убиеното момче, како што се тврди, било застрелано во вратот и грбот, а ова е втор палестински тинејџер убиен оваа недела.
Израелски воени извори соопштија дека војниците возвратиле на демонстрантите кои фрлале камења и бензински бомби врз нив додека извршувале „рутински безбедносни активности“.
Истрагата за инцидентот се уште е во тек и не е јасно дали убиениот тинејџер бил вмешан во судирите.
Од почетокот на оваа година израелските сили убиле 46 палестинци – милитанти и обични минувачи, тврдат Палестинците.