Марија Захарова, портпаролка на руското Министерство за надворешни работи, изјави за Телеграм дека има мала јавна поддршка за потегот во Шведска и праша зошто нема референдум за промена на политиката.
Захарова ја обвинува Шведска дека е марионета на Велика Британија, пренесуваат медиумите во светот.
„Зборувајќи за пријателите, забележливо е дека американските сенатори беа во посета на Стокхолм на денот на објавувањето на историската одлука. Не обичните конгресмени, туку лидерот на републиканците во Сенатот, Мич Меконел. Шведска се уште не влезе во НАТО, но Американците веќе им диктираат на шведските власти што да му кажат на својот народ. И ова е само демонстрација на она што им се подготвува. Повеќе од 200 години неутралност, која ги гарантираше безбедноста и просперитетот на Кралството, сега е историја“, изјавила Захарова.
„Па зошто немаше референдум? Само затоа што одамна никој не ја консултирал шведската јавност за ништо. Американците прават потези за Шведска“, напиша Захарова.