Руското Министерство за надворешни работи денеска соопшти дека ќе ги покани шефовите на американските медиуми во Москва на состанок следниот понеделник со цел да ги информира за можни остри контрамерки на ограничувањата на руските медиуми во САД.
„Доколку во САД не се нормализира работата на руските медиуми, оператори и новинари, неизбежно ќе следуваат најстроги мерки“, изјави портпаролката на министерството Марија Захарова, пренесува ТАСС.
Соединетите Американски Држави, исто така, ги казнија медиумите под контрола на Кремљ како дел од санкциите против Москва, а трите руски телевизиски мрежи кои беа санкционирани од САД во мај се рускиот Прв канал, телевизијата Русија-1 и НТВ, објави Си-ен-ен.